2024-mi silaannarsuarmik mingutsitsineq

Ukiut tamaasa Kalaallit Nunaat silaannarsuarmik mingutsitsineq pillugu FN-ip silaannaap pissusaa pillugu isumaqatigiissutaanut (FN’s Klima Konvention (UNFCCC)) nalunaaruteqartarpoq. FN-ip silaannaap pissusaa pillugu isumaqatigiissutaannut (UNFCC) nalunaarutigineqartartut tassaapput; nukissiuutinit atuinernit, suliffissuit atuinerinit, arrorsaatit, nunalerinernit, eqqakkanik suliaqarnernit il.il. silaannarsuarmik mingutsitsinerit. Drivhusgassit kudioxid (CO₂), metan (CH₄), lattergas (N₂O) aamma drivhusgassit flouritallit suliffissuarnit pinngorartinneqartartut hydroflour-karboner HFC svovlhexaflourid-ilu SF₆ nalunaarutigineqartarput.

 

Silaannarsuarmik mingutsitsinermik nalunaarsuutit ilaatigut Kalaallit Nunaata mingutsitsinermik annikillisaanissamut anguniagassatut isumaqatigiissutaanut malinnaanissamut atorneqartarput. Silaannarsuarmik drivhusgassimik mingutsitsinermut CO₂ -mut sanillunneqarlutik naatsorsorneqartarput (CO₂-ækvivalent), uani saqqummersitami mingutsitsinerit taakku CO₂e-mik taaneqartassapput. Kalaallit Nunaata silaannarsuarmik drivhusgassinik mingutsitsinera UNFCCC-mut nalunaarutigineqarsimasoq tabel 1-imi takuneqarsinnaavoq.

 

Titartakkami 1-imi silaannarsuarmik drivhusgassinik mingutsitsineq, orpippassuit aamma nunat atorneqartut sunniutaat ilanngullugit takuneqarsinnaavoq. 2024-mi silaannarsuarmik mingutsitsinerit 646.256 CO₂e-mik annertussuseqarpoq. 2023-mut sanilliullugu 0,8 pct.-inik annikinneruvoq 1990-imulli sanilliullugu 1,2 pct.-imik appasinnerulluni.

 

Titartagaq 1. Drivhusgassimik silaannarsuarmik mingutsitsinerit, UNFCCC-mut nalunaarutigineqartut

Najoqqutaq: Naatsorsueqqissaartarfik, Kisitsisaataasivik: https://bank.stat.gl/ENN1EM1 

 

Nukiussiuutinit silaannarsuarmik mingutsitsineq drivhusgassinik mingutsitsinermi annertunerpaajuvoq. 2024-mi silaannarsuarmik mingutsitsineq ima isikkoqarpoq: 93,9 pct. nukissiuutinit, 2,5 pct. eqqagassalerinernit, 2,0 pct. suliffissuarni suliaqarnernit il.il., 1,4 pct. nunalerinermit aamma 0,2 pct. orpipassuarnit nunanillu atuinermit, titartagaq 2 takuuk.

 

Titartagaq 2. Drivhusgassinik silaannarsuarmik mingutsitsineq, mingutsitsinerit suminngaaneernerinut immikkoortillugit

Najoqqutaq: Naatsorsueqqissaartarfik, Kisitsisaataasivik: https://bank.stat.gl/ENN1EM1 

 

Drivhusgassit nalunaarutigineqarsimasut assigiinngitsunik atuuffeqarput. Kuldioxid (CO₂) 94,1 pct.-iulluni 2024-mi annertunerpaamik mingutsitsisuuvoq. 2,3 pct.-imik annertussuseqarluni metan (CH₄) tulliusoq, lattergas (N₂O) 1,6 pct.-imik annertussuseqarluni pingajuuvoq, industrigassit (f-gasser) mingutsitsinerat 1,9 pct.-imik annertussuseqarpoq.  

 

Nukissiuutinik atuinermit CO₂-mik mingutsitsinermut ikummatissanik atuineq pissutaanerpaavoq. Mentanimik aamma lattergasinik mingutsitsineq annerpaaq eqqagassalerinermeerpoq, metanimillu mingutsitsineq annerpaaq nunalerinermeertarluni.

 

Titartagaq 3. 2024-mi silaannarsuarmik mingutsitsineq, drivhusgassinut immikkoortillugu

Najoqqutaq: Naatsorsueqqissaartarfik, Kisitsisaataasivik: https://bank.stat.gl/ENN1EM1 

 

Tabel 1. Drivhusgassimik mingutsitsineq tamakkerlugu

	1990	2000	2005	2010	2020	2023	2024
	Ton CO2e
Silaannarmik mingutsitsineq tamakkerlugu 1)	654.126	699.480	663.577	697.436	590.542	651.575	646.256
Atuinermit mingutsitsineq tunngavigalugu......	624.981	667.868	627.163	661.024	549.389	609.124	606.651
Nukissiorfiit aamma nukissiorneq	182.878	131.093	141.674	232.521	103.413	107.023	109.393
Nukissiuutinit atuineq tamakkerlugu .............	442.103	536.775	485.488	428.503	445.976	502.101	497.258
- Assartuineq/angallassineq ...................	87.944	111.375	81.804	77.897	89.174	114.284	122.207
- Suliffissuit ................................	26.527	48.793	67.102	52.147	45.727	69.895	55.724
- Niuernermik aamma kiffartuussinermik inuussutissarsiutit, angerlarsimaffiit il.il. ..........	327.632	376.607	336.583	298.458	311.075	317.922	319.326
Suliffissuarni mingutsitsineq.................	515	2.546	6.969	8.154	13.802	12.226	13.205
- Atortut arrortitsisartut .......................	515	562	1.284	898	746	691	729
- Suliarinninneq .............................	0	1.984	5.685	7.256	13.056	11.535	12.475
Nunalerinermi mingutsitsineq................	10.294	9.746	10.591	10.242	9.409	11.946	8.732
- Uumasut nerisaminnik arrortitsisarnerat ........	8.542	7.519	8.144	7.915	7.027	6.744	5.688
- Uumasuutinit naggorissaaneq.................	981	945	1.000	973	855	818	723
- Narsaatit .................................	770	1.282	1.446	1.354	1.527	4.385	2.321
Eqqagassat suliarinerinit mingutsitsineq......	18.080	18.743	18.164	16.992	16.610	17.022	16.355
- Eqqakkanik inissiineq .......................	5.097	5.830	5.687	5.493	5.305	5.294	5.293
- Ermup atukkap sinnera ......................	6.759	6.772	6.807	5.766	5.161	5.480	4.805
- Eqqakkat allat .............................	6.224	6.141	5.670	5.733	6.144	6.249	6.256
Orpippassuit nunaminertanillu allanik atuineq..	257	577	690	1.025	1.332	1.256	1.314
- Orpippassuit ..............................	46	15	3	12	-17	-29	-32
- Nunaminertanik atuineq .....................	211	562	687	1.013	1.349	1.285	1.346
Mingutsitsineq tamakkerlugu ”Orpipassuit nunaminertanillu atuineq” ilanngunnagu 2).....	653.869	698.903	662.886	696.412	589.210	650.318	644.942

Najoqqutaq: Naatsorsueqqissaartarfik, Kisitsisaataasivik: https://bank.stat.gl/ENN1EM1

Malugiuk: Tabelimi takuneqarsinnaapput Kalaallit Nunaata drivhusgassimik mingutsitsinera aamma tigusinera apriilimi 2026-mi FN-imi Klima Konventionimut (UNFCCC)-mut nalunaarutigineqartut.

1)                   Silaannarsuarmik drivhusgassimik mingutsitsineq tamarmiusoq ”Skov og arealanvendelse”-mit suleqataaffigineqartoq, CO₂-mik tigusineq silaannarsuarmik mingutsitsinerup akerlerivaa.

2)                   Silaannarsuarmik drivhusgassiunngitsumik mingutsitsineq tamarmiusoq ”Skov og arealanvendelse”-mit suleqataaffigineqartoq, taassuma ilaannaa silaannaap pissusaanik naatsorsuinermut ilanngunneqarpoq Kyotoprotokollimut ilaasumut.